ગુજરાત ક્ષત્રિય રાજપૂત સમાજ
સમાજ પ્રવૃત્તિઓ અને આયોજન

ગુજરાત ક્ષત્રિય રાજપૂત સમાજ ના કાર્યક્રમો

સમાજના એકતા, સંગઠન અને ઉત્કર્ષ માટે યોજાનાર આગામી સ્નેહમિલનો, સંમેલનો તેમજ સંપન્ન થયેલા ઐતિહાસિક કાર્યક્રમોની વિગત

આગામી કાર્યક્રમ (Upcoming Events)

નજીકના ભવિષ્યમાં યોજાનાર મહત્વપૂર્ણ કાર્યક્રમો
0 કાર્યક્રમ
હાલમાં કોઈ આગામી કાર્યક્રમ નિર્ધારિત નથી

નવા કાર્યક્રમોની માહિતી જલ્દીથી અહીં જાહેર કરવામાં આવશે.

સંપન્ન કાર્યક્રમ (Previous Events)

અગાઉ સફળતાપૂર્વક આયોજિત થયેલા સમાજ કાર્યક્રમો
4 કાર્યક્રમ
પાલીતાણા રાજપૂત સમાજ દ્વારા વર્ષોની પરંપરા જાળવી રાખી શસ્ત્રપૂજન,રેલી યોજાઈ સમાજના અગ્રણીઓ,યુવાનો અને વડીલો મોટીસંખ્યામાં જોડાયા અને ભવ્ય આયોજનથી ક્ષત્રિય પરંપરા,સંસ્કારની ઝાંખી જોવા મળી
21
Oct 2026
સંપન્ન

પાલીતાણા રાજપૂત સમાજ દ્વારા વર્ષોની પરંપરા જાળવી રાખી શસ્ત્રપૂજન,રેલી યોજાઈ સમાજના અગ્રણીઓ,યુવાનો અને વડીલો મોટીસંખ્યામાં જોડાયા અને ભવ્ય આયોજનથી ક્ષત્રિય પરંપરા,સંસ્કારની ઝાંખી જોવા મળી

21-10-2026
10:52 AM
ક્ષત્રિય રાજપૂત સમાજ પાલીતાણા

દશેરાના પાવન પર્વે પાલીતાણા રાજપૂત સમાજ દ્વારા વર્ષોની પરંપરા અને ક્ષત્રિય સંસ્કૃતિને જાળવી રાખતાં ભવ્ય શસ્ત્રપૂજન અને શસ્ત્ર રેલીનું આયોજન કરવામાં આવ્યું હતું. પરંપરાગત વિધિ-વિધાન સાથે યોજાયેલા આ પૂજનમાં સમાજના અગ્રણીઓ, યુવાનો અને વડીલો મોટી સંખ્યામાં ઉપસ્થિત રહી શૌર્ય અને ધર્મના પ્રતીક સમાન શસ્ત્રોને નમન કર્યા હતા. શસ્ત્રપૂજન બાદ ક્ષત્રિય રાજપૂત સમાજ ની વાડી થી થઈ ભૈરવનાથ મંદિર સુધી એક રેલી કાઢવામાં આવી હતી. સાથો સાથ તેજસ્વી તારલાઓ ને ઈનામ વિતરણ કરવામાં આવ્યું હતું. સામાજિક એકતાની ઉત્તમ મિસાલ પૂરતી ઉષ્માભેર સ્વાગત કરવામાં આવ્યું હતું. ભૈરવનાથ ના મંદિરે રેલીના સમાપન ટાણે વિશેષ પૂજન અર્ચના કરી માતાજીના આશીર્વાદ લેવામાં આવ્યા હતા. રાજપૂત સમાજ ના પ્રમુખ શ્રી મહેન્દ્રસિંહજી સરવૈયા. જયદીપસિંહ ગોહિલ. નિકુલસિંહ સરવૈયા સહિત અગ્રણીઓ જોડાયા હતા અને યોજાયેલા આ ભવ્ય આયોજનથી ક્ષત્રિય પરંપરા, સંસ્કાર અને ગૌરવની ઝાંખી જોવા મળી હતી

શ્રી ગિરાસદાર ક્ષત્રિય રાજપૂત સમાજ  અમરેલી જિલ્લા દ્વારા આયોજીત  વિજયાદશમી મહોત્સવ - ૨૦૨૬  સરસ્વતી સન્માન, શસ્ત્રપૂજન તથા સ્નેહ મિલનનો ત્રિવિધ સમારોહ
20
Oct 2026
સંપન્ન

શ્રી ગિરાસદાર ક્ષત્રિય રાજપૂત સમાજ અમરેલી જિલ્લા દ્વારા આયોજીત વિજયાદશમી મહોત્સવ - ૨૦૨૬ સરસ્વતી સન્માન, શસ્ત્રપૂજન તથા સ્નેહ મિલનનો ત્રિવિધ સમારોહ

20-10-2026
09:00 PM
BAPS સ્વામીનારાયણ મંદિર, એસેમ્બલી હોલ, ગાંધીબાગની પાછળ, BAPS સર્કલ પાસે, અમરેલી.

વિજયાદશમીના પાવન અવસરે ક્ષત્રિય પરંપરા મુજબ શાસ્ત્રોક્ત વિધિથી ભવ્ય શસ્ત્ર પૂજન કાર્યક્રમ હર્ષોલ્લાસ કરવામાં આવશે

પાલીતાણા વિજયાદશમી પારંપરિક શસ્ત્ર પૂજન & સ્નેહમિલન
20
Oct 2026
સંપન્ન

પાલીતાણા વિજયાદશમી પારંપરિક શસ્ત્ર પૂજન & સ્નેહમિલન

20-10-2026
04:00 PM
દરબાર બોર્ડિંગ દરબારગઢ પાછળ

વિજયાદશમીના પાવન અવસરે ક્ષત્રિય પરંપરા મુજબ શાસ્ત્રોક્ત વિધિથી ભવ્ય શસ્ત્ર પૂજન કાર્યક્રમ હર્ષોલ્લાસ સાથે તેજસ્વી તારલાઓ ને ઈનામ વિતરણ કરવામાં આવશે.

લીંબડી શહેરના ટાવર બગલામાં આવેલ શ્રી શક્તિમાતાજી મંદિરે ક્ષત્રિય સમાજના બહેનો માટે ભવ્ય ગરબા આયોજન
17
Oct 2026
સંપન્ન

લીંબડી શહેરના ટાવર બગલામાં આવેલ શ્રી શક્તિમાતાજી મંદિરે ક્ષત્રિય સમાજના બહેનો માટે ભવ્ય ગરબા આયોજન

17-10-2026
11:00 AM
લીંબડી શહેરના ટાવર બગલામાં આવેલ શ્રી શક્તિમાતાજી મંદિરે

લીંબડી શહેરમાં આવેલ ટાવર બગલા સ્થિત પ્રસિદ્ધ શ્રી શક્તિમાતાજી મંદિર ખાતે દર વર્ષની જેમ આ વર્ષે પણ નવરાત્રિના પાવન પર્વે ક્ષત્રિય સમાજના બહેનો-દીકરીબાઓ માટે ખૂબ જ સુંદર ગરબા આયોજન કરવામાં આવ્યું છે. ક્ષત્રિય સમાજના બહેનો સુરક્ષિત અને આનંદમય તેમજ પવિત્ર વાતાવરણમાં ગરબા રમી શકે તે હેતુથી મંદિર ટ્રસ્ટ અને સમાજ દ્વારા આ વ્યવસ્થા કરવામાં આવી છે. દસે દસ દિવસ બહેનો માટે પ્રસાદની સાથે નાસ્તાનું પણ વિશેષ આયોજન કરવામાં આવે છે. મોટી સંખ્યામાં બહેનો દરરોજ રાત્રે માતાજીની આરાધના કરી ગરબે ઘૂમે છે. આ ગરબીની ખાસ વિશેષતાઓ : ગરબીમાં ફોટા પાડવા અને વિડીયો ઉતારવા પર સંપૂર્ણ પ્રતિબંધ છે. ફિલ્મી ગીતો વગાડવામાં આવતા નથી. રોજ રાત્રે 30 યુવાનો તથા ક્ષત્રિય સમાજના હોદ્દેદારો ગરબી બહાર બહેનો ને કોઈ અગવડતા ન પડે તે માટે બેસે છે. તેમજ જે બહેનોને કોઈ કારણોસર ફેમિલી મેમ્બર તેડવા ન આવી શક્યા હોય તે બહેનોને રાત્રે ઘરે મૂકવા માટે વાહનોની પણ સગવડ રાખવામાં આવી છે. આ ગરબીમાં ખાસ ઉપસ્થિતિ તરીકે ક્ષત્રિય સમાજના વરિષ્ઠ આગેવાનો અને મહાનુભાવોએ હાજરી આપી હતી. ઉપસ્થિત મહાનુભાવો: - માનનીય શ્રી કિરીટસિંહ રાણા સાહેબ - પૂર્વ કેબિનેટ મંત્રીશ્રી અને હાલના ધારાસભ્ય, લીંબડી - શ્રી હિતુભા ચૌહાણ - મહામંત્રી, ગુજરાત પ્રદેશ ભાજપ - શ્રી જનકસિંહ ઝાલા - પ્રમુખ, તાલુકા પંચાયત, લીંબડી - શ્રી ભગીરથસિંહ રાણા (ભલગામડા) - ચેરમેન, બાંધકામ સમિતિ, સુરેન્દ્રનગર જિલ્લા પંચાયત - ડૉ. રુદ્રસિંહ ઝાલા સાહેબ - પ્રમુખ, ઝાલાવાડ ક્ષત્રિય સમાજ - શ્રી સહદેવસિંહ રાણા (સૌંકા) - પ્રમુખ, લીંબડી શહેર ક્ષત્રિય સમાજ - શ્રી હરપાલસિંહ રાણા (ગેડી) - પ્રમુખ, ઝાલા માંગુજી ક્ષત્રિય સમાજ - શ્રી રાજભા ઝાલા (શિયાણી) - ઉપપ્રમુખ, સુરેન્દ્રનગર જિલ્લા ભાજપ - તેમજ ક્ષત્રિય સમાજના અન્ય આગેવાનો, વડીલો અને મોટી સંખ્યામાં યુવાનો આ પ્રસંગે સૌ મહાનુભાવોએ માતાજીના દર્શન કરી બહેનોને પ્રોત્સાહિત કર્યા હતા અને આયોજકોને બિરદાવ્યા હતા. કિરીટસિંહ રાણા સાહેબે ક્ષત્રિય સમાજની એકતા અને સંસ્કૃતિના જતન માટે આવા આયોજનો ખૂબ જરૂરી છે એવું જણાવ્યું હતું. સમગ્ર આયોજનને સફળ બનાવવા માટે મંદિરના સેવકો અને ક્ષત્રિય સમાજના વડીલો તથા યુવા કાર્યકર્તાઓએ ભારે જહેમત ઉઠાવી છે.